नेपालगञ्ज, बाँके । बाँकेको नेपालगन्ज उपमहानगरपालिका भित्र रहेका प्रत्येक वडाबाट जेष्ठ नागरिकलाई भत्ता बितरण कार्य शुरु गरिएको छ । योभन्दा अघि बैंकमा गएर घण्टौ लाईन लाग्नु पर्ने बाध्यताबाट मुक्त भएको भन्दै बाँकेका जेष्ठ नागरिकहरु राष्ट्रिय बाणिज्य बैंकले वडाबाटै दिने भत्ताको विषयमा आफुहरुलाई स्थानिय सरकारले सहुलियत गरेकोमा खुशी भएको बताउँछन् ।उपमहानगरपालिकाको वडा नं २३ मा वडा बाटै सामाजिक सुरक्षा भत्ता वितरण शुरु गरिएको हो । बैंकले वडा कार्यालयमै पुगेर भत्ता वितरण गर्न थालेपछि स्थानीय खुसी भएको वडा नम्बर २३ का वडा अध्यक्ष अब्दुल गफफारले बताएका छन् । उनका अनुसार वडाबाटै सामाजिक सुरक्षा भत्ता पाउने भएपछि जेष्ठ नागरिकलाई निकै सहज भएको छ । वडाध्यक्ष गफफारले जेष्ठ नागरिक र अपांगता भएकाहरुलाई बैंकमा घण्टौँ लाइन बस्नुपर्ने अवस्थाको अन्त्य गर्न वडाबाटै सामाजिक सुरक्षा भत्ता वितरण सुरु गरिएको बताए ।वडाध्यक्ष गफ्फार भन्छन्,‘जेष्ठ नागरिक भनेपछि कोही हिंड्न नसक्ने अवस्थाका पनि हुनुन्छ । उहाँहरु वडा आउन पनि सहज तरिकाले सकिरहनु भएको हुँदैन । त्यस्ता जेष्ठ नागरिकको बैँक जानु पर्ने बाध्यता हटेको छ । लाईन त यहाँपनि लाग्नै पर्छ तर यहाँ लाईन लाग्नु र बैंकमा लाईन लाग्नुमा धेरै फरक छ ।’ जनताको सहजताका लागि वडाबाटै सामाजिक सुरक्षा भत्ता वितरण कार्यले नागरिकको अनुहारमा खुसी देखिदा आफूहरुलाई थप खुशि मिलेको उनले बताए ।वडा नम्बर २३ मा ३ सय ५० जनालाई सामाजिक सुरक्षा भत्ता वितरण गरिदै छ । मंगलबार एक सय २० जनाले भत्ता लिएको वडा सचिव भुपिन्द्र कंडेललले बताए । बैँकले अहिले सम्म उपमहानगररको १४ वटा वडामै पुगेर भत्ता वितरण गर्ने गरी नेपालगन्ज उपमहानगरपालिकासँग सहकार्य गरिएको जनाएको छ । उपमहानगरले मंगलबार देखि वडा नम्बर २२ बाट सामाजिक सुरक्षा भत्ता वितरण कार्य शुरु गरेको हो ।