काठमाण्डौ । चार दशकको पहलपछि नेपालले अन्तरीक्षमा स्थान पाएको छ । अब नेपाल दूरसञ्चार प्राधिकरणले आफ्नै उपग्रह राख्न तयारी गरिरहेको छ, दूरसञ्चार, प्रसारण र उड्डयनका लागि ब्रोडब्यान्ड उपग्रह लिंकबाट बाहिरिएको करोडौं डलर यसबाट बचत हुने आशा गरिएको छ ।
सन् १९८४ देखि नेपालले अन्तरीक्षमा आफ्नै भू उपग्रह राख्न पहल गरेको थियो जुन अहिले आएर सफल भएको छ । अन्तर्राष्ट्रिय दूरसञ्चार युनियनले उक्त अनुरोध लाई मान्यता दिएको थिएन । तर गत वर्ष सेप्टेम्बरमा सरकारले कनेक्टिविटीमा नयाँ दूरसञ्चार नीति अपनाएकोले एनटीए छनौटको प्रक्रियामा अगाडि बढिरहेको छ ।
एनटीएका मीनप्रसाद अर्यालले मिडियालाई भनेका छन, हामीले कम्पनीबाट बोलपत्र माग गरेका छौं जसले हामीलाई जिओस्टेशनरी उपग्रह प्रदायकको विशिष्टता, यसको व्यवसायिक व्यवहारिकता र एक नियामक ढाँचा बनाउन सुझाव दिन सक्छन् ।
हालसम्म चीन, भारत, बेलायत, फ्रान्स, सिंगापुर, युएई र जर्मनीका नौ अन्तर्राष्ट्रिय कम्पनीहरूले परामर्श सेवाका लागि एनटीएसँग चासो व्यक्त गरेका छन् । अर्यालले भने,( छनौट अनुभवमा ५०, योग्यतामा ४० र प्राविधिक र वित्तीय क्षमतामा १० प्रतिशतका आधारमा छनोट हुने छन् ।
चयन गरिएको कम्पनीले संस्था लाई सल्लाह दिनेछ कि उपग्रह भाडामा दिन वा यसको आफ्नै सुरूवात गर्न सम्भाब्यताको बारेमा तथा उपग्रह निर्माण र प्रक्षेपणको लागि बिडिंग मापदण्ड तयार गर्न परामर्श दिनेछ ।
